ذاكرنا واجتهدنا وحلينا وسهرنا وتعبنا ف ليالينا
غششنا اصحابنا وغشينا ومبخلناش بحاجة على حد
قولنا وعملنا اللى علينا والمراقب كان شاكك فينا
مهمناش ولبعض ادينا السؤال وعليه الرد
اتصدمنا من اللجان ومن صعوبة الامتحان
واللى ذاكر كان كسبان واللى نفض شال الليلة
وياريتنا كنا ثانوى عام كنا بقينا اخر تمام
لكن اللى احنا فيه ده حرام منهج صعب واسئلة سئيلة
ثانوى شاق واسمه حربى تعب دماغى وتعب قلبى
واللى عندنا ده مش عربى دى حاجة كده هيروغلوفية
كان عندى امل اخش هندسة بعد مااتخرج من المدرسة
لكن الامل خلاص اتنسى بعد ماشوفت المواد ديا
سهرت ليالى بذاكر فيهم ومواد عينية صاحية عليهم
شهور وانا خايف مرعوب بيهم لحد ماجيت ف الامتحان
عملت اللى عليا وحليت صح غلط ادينى حليت
بتمنى يعنى وبقول ياريت مااقلش عن فوق التسعين
علشان بجد تعبت كتير من حقى افرح فرح كبير
خليك جنبى ياقوى ياقدير ومتنزلنيش على التمانين
موضوع: عملنا اللى علينا 
الأحد يونيو 15, 2008 11:38 am
