اسف عديت حدودى معاكى اسف لو قلت يوم بهواكى
اسف فكرتك انتى ملاكى اسف على كل شىء منى
اسف ع الطيبة وع الحنان اسف قلبى مابعش وخان
اسف ع اللى انا اديته زمان اسف عشقتك غصب عنى
اسف خاب ظنى فيكى ليالى اسف رسمتك حلم ف خيالى
اسف واستاهل اللى جرالى من خيانة وخداع وجراح
اسف كنت على حبك باقى اسف قلت معاكى اشواقى
اسف جيت على كبريائى اسف على كل اللى راح
انا الغلطان حبيت غدارة بتخون بتجرح بس بشطارة
هيفيد بايه لو اقول ياخسارة ياخسارة على ايه ولاايه
ياخسارة ع العمر اللى ضاع ياخسارة ع القلب اللى باع
ياخسارة عيشنى ف خداع مكنش باين خالص عليه
ياخسارة على سوء اختيارى اخترت واحدة بتبيع الشارى
كنت شاكك بس مدارى لايكون ده كله وهم ع الفاضى
وليالى تعدى وليالى تروح وانا قال بقول فداها الروح
وخدت جزائى وبقيت مجروح وشوفت منها عذاب مش عادى
هنسى ف يوم ان انا حبيتها هنسى اللى باعت لما اشتريتها
هنسى حلمى ببيتى وبيتها وبالعمر وبالمستقبل
هنسى مش هدمع عليها هنسى كدب وغش عينيها
هنسى ومش هكون جنبيها ولو رجعتلى عمرى ماهقبل