الحب المزيف

أبطال الفيلم :.

1- احمد 2- نور 3- علاء 4- ياسمين 5- ايمن 6- ولاء 7- والد احمد 8- والدة احمد .

قصة الفيلم :.

احمد : شاب عنده 17 سنة بيحب الناس اوى وطيب اوى بسيط جدا وحياته متوسطة لاغني اوى ولافقير اوى زى معظم فئات الشعب متوسط الحال تعب في دنيته كتير من وهو صغير عاش فترة لوحده منعزل عن الناس لأسباب كانت تعباه ومخلياه كاره كل حاجة ف حياته متفوق من صغره الأول على زمايله في كل مراحله السنية ربنا مديله مواهب في حاجات كتيرة قوى زى الشعر ولعب الكورة والتأليف في اى مجال سواء قصص أفلام أشعار وف التلحين كمان حساس جدا ولو حس انه زعل حد من غير مايقصد بيزعل من نفسه جدا ومش بيسيب الشخص اللي زعله غير لما يصالحه شاف كتير من الحب شاف جراحه وتعبه وعذابه وخيانته من صاحبه وحبيبته تعب منه قوى برغم انه لسه ف بداية مشوراه ولسه مكبرش اوى بس كان بيفكر في حاجات من صغره محدش يصدق إن حد ف السن ده بيفكر كده المهم كان ناسي الحب وقال هيسيبه للزمن ولقدام لما يكبر وينضج عن كده ففي يوم عرف عالم الانترنت واتعرف على أصدقاء من خلاله وادمن الانترنت بجنون نسى أصحابه وأهله قدام الانترنت لو قعد عليه 20 ساعة مبيزهقش وعرف بنت من خلاله اسمها نور أعجب بيها اوى وبشخصيتها وبتفكيرها برغم صغر سنها كانت عندها 14 سنة لكن كان تفكيرها عاقل جدا زيه وهو ف سنها لقاها متوافقة معاه في حاجات كتير اوى وكل الصفات اللي بيتمناها فيها حبها من قبل مايشوفها ولو غابت عنه يوم أو فتح وملقهاش بيموت فحبها وحبته لحد ما حصل اللي حصل وده اللي هنشوفه ف الفيلم .

نور : فتاة عندها 14 سنة جميلة جدا وذكية جدا اتربت في بيئة مبسوطة من صغرها طلباتها كلها مجابة مواجهتش متاعب ف حياتها من صغرها موهوبة بالرسم رسامة تحفة بتحب الهدوء والموسيقى الهادئة هادية جدا اى حد يشوف وشها يقول عليها ملاك نازل من السما محدش في الدنيا ممكن يصدق أو يتخيل ان الوش ده يكون سبب في جرح شخص أو تعب شخص أو يكدب على شخص .

علاء : شاب عنده 18 سنة صاحب احمد أو انتيم احمد أخوات وقرايب مع بعض في اى وقت لو احمد متضايق من حاجة مجرد ماعلاء بيبصله بس بيعرف هو متضايق ولا لأ إنسان طيب اوى وبيحب الكورة بجنون وهو اللي اكتشف ان احمد بيعرف يكتب شعر جت صدفة كده وبهزار لحد مااحمد وصل للدرجة اللي هو فيها ف الكتابة وهو كمان شاعر وشاعر جامد أوى كان كاره الانترنت جدا وكاره انه يتعرف على حد من خلاله لانه كان بيشوف انه كله كدب ف كدب ومعظم اللي بيقعدو عليه كدابين وكلامهم كله مش حقيقي .

ياسمين : فتاة جميلة جدا وذكية ومتفوقة جارة علاء وصديقة احمد وأكتر من أخته يعرفها من وهو عنده 3 سنين من زمان جدا معاه ف كل وقت ف حياته معاه ف مدرسته الابتدائية وف الدروس ف اعدادى ولحد الثانوي وهما مع بعض الوحيدة اللي بيحكيلها عن اى حاجة بيكلمها كانه بيكلم نفسه عمره ماخبى عليها ولاخبت عليه حاجة كانو اكتر من الأخوات متربيين مع بعض من صغرهم .

أيمن : صاحب احمد وهو اللي عرفه على عالم الانترنت وهو اللي علمه عليه وعايش حياته عادى جدا يخرج مع دي يوم ومع دي يوم ويصاحب دي من على النت ويقابلها ويصاحب دي ويقابلها وحياته كلها غلط ف غلط .

ولاء : أخت نور عندها 20 سنة فتاة جميلة وعاقلة وبتحب أختها وبتخاف عليها جدا ومثقفة وشاطرة من صغرها ف دراستها وكاتمة أسرار اختها نور .

والدة احمد : كل حاجة ف حياة احمد هي أمه وصديقته وأخته وكل حاجة ليه أم حنينة جدا وطيبة جدا شخصية احمد اتأثر بيها اوى ف حياته لو زعلها يوم مبيسامحش نفسه خالص وبيأنب نفسه انه زعلها ومبيرتحش غير لما بيصالحها

والد احمد : تعب اوى علشان يوفر لأحمد ولأخوه ولوالدته عيشة كويسة راجل طيب اوى شديد عند اللزوم ربى احمد على الرضي بالمقسوم مكنش حارم احمد ولااخوه من حاجة كان بينحت ف الصخر علشان يلبيلهم طلباتهم .

السيناريو والحوار :.

- احمد : قاعد لوحده ف اوضته مش عايز يكلم حد بسبب موقف الخيانة اللي اتعرضله من حبيبته وصديقه
- ياسمين : احم احم ممكن اخش يااستاذ يااحمد
- احمد : اتفضلى ياياسمين
- ياسمين : إيه ياحمادة مالك ماتروق كده ياعم وتنسى بقالك شهر ع الحال ده انسى بقى وعيش دول ميستاهلوش انك تزعل علشانهم كده ولايستاهلو دمعة واحدة من عينيك
- احمد : أنا مش زعلان عليهم أنا زعلان على نفسي زعلان على كل سنيني اللي عشتها ليهم زعلان على حبي واخلاصى معاهم
- ياسمين : بص يااحمد انت المفروض تحمد ربنا انه عرفك حقيقتهم قبل ماالعمر يجرى بيك وانت مش عارف حاجة وبعدين متنساش انك انت سبب برده في اللي حصل ده لأنك فكرت ف الحب من وانت صغير وبعدين أكيد هتحب تانى ومش دي النهاية
- احمد : عندك حق أنا الغلطان بس أنا مكنتش واعى للي أنا بعمله زى ماانتى قلتي كنت صغير بس خلاص خدت جزائي وبالنسبة باني لسه هحب تانى فخلاص أنا هنسى الحب وهنسى أيامه ومش هفكر فيه غير قدام وقدام اوى
- ياسمين : بيتهيألك مش هتقدر تعيش من غير حب ولما تحب وتلاقى اللي تحبك بجد هتضحك وانت بتفتكر أيام الطفولة مع حبيبتك وصاحبك
- احمد : طيب ياياسمين أنا هنزل شوية علشان مخنوق تعالى أوصلك درسك ف سكتى
- ياسمين : اوكى يااحمد يلا بينا
- أم احمد : إيه ياولاد رايحين فين
- احمد : أنا هنزل أتمشى شوية ياماما وياسمين هوصلها ف سكتى الدرس بتاعها
- أم احمد : طيب ياولاد خلو بالكو من نفسكو وخلى بالك من ياسمين يااحمد
- احمد : ف عينية ياماما حاضر
- ياسمين : مع السلامة ياطنط
- أم احمد : مع السلامة يابنتى وسلميلى على والدتك اوى
- احمد : يلا ياياسمين أنا همشي بقى شوية مع نفسي وبعد كده هعدى على علاء اقعد معاه شوية عايزة حاجة
- ياسمين : سلامتك ياحمادة وانسي علشان خاطري وروق كده
- احمد : حاضر خلى بالك من نفسك
- علاء : احمد مش معقولة ده بجد ده ولا بيتهيألى أخيرا نزلت من بيتك عامل إيه ياحبيبى
- احمد : ازيك ياعلاء
- علاء : أنا تمام المهم انت أخبارك إيه وحشتني بقالي أسبوع ماشوفتكش ها سمعت كلام أخوك ونسيت الموضوع اللي كان تعبك ده
- احمد : ان شاء الله هيتنسى وهحاول أعيش من تانى لنفسي ومش لحد تانى
- علاء : عين العقل ياابو حميد هو ده احمد اللي أنا اعرفه القوى اللي عنده إرادة وعزيمة يواجه بيهم اى عقبات تقف قدامه
- احمد : خلاص بقى ياعم علاء إحنا هنقضيها كلام تعالى نتمشى شوية
- علاء : لأ نتمشى إيه ده انت جيتلى ف وقتك اطلع غير هدومك والبس لبس الكورة في ماتش النهاردة مع فرقة اوفا ومحتاجينك
- احمد : ياراجل وأنا بالمنظر ده ازاى يعنى
- علاء : مالك ياعم ماانت بخمس صوابع اهو زى ماانت اطلع ياواد ومتتأخرش
- احمد : هههههههههههههههه ماشى ياصاحبي 10 دقايق وهجيلك
- علاء : بس ضمنا الماتش لينا النهاردة لما اطمن الفريق ايوة يادرش احمد معانا النهاردة هنطلع عماد وهنزله أه إن شاء الله الماتش لينا هو احمد شوية ف الكورة بقولك طمن انت بقيت الفريق واسبقوني ع النادي هجيب احمد واجى
- احمد : يلا يالول أنا جاهز
- علاء : يلا ياصاحبى بقولك إيه ركز النهاردة علشان ده قبل النهائي
- احمد : متقلقش ان شاء الله هنكسب
والماتش خلص بفوز فريق احمد وعلاء 3/0 واحمد دخل جونين واتأهلو للنهائي .
* وبعد أسبوعين احمد اتغير خالص ورجع احمد بتاع زمان وبقى يخرج ويتفسح ونسى كل حاجة *
- نور : بترسم لوحة في الجنينة بتاعت فيلتها
- ولاء : صباح الخير يانور
- نور : صباح الخير ياولاء
- ولاء : إيه شيفاكى فرحانة النهاردة يعنى
- نور : عادى يعنى زى كل يوم
- ولاء : أه صحيح النهاردة هندخل النت البيت
- نور : بتتكلمى بجد
- ولاء : أه والله اتحايلت امبارح على بابا وقال هيدخلو النهاردة
- نور : طب كويس
- احمد : مساء الخير يابابا
- أبو احمد : مساء الخير ياابنى اقعد عايز أتكلم معاك شوية
- احمد : خير يابابا
- أبو احمد : خير ياابنى ان شاء الله انت دلوقتى عندك 16 سنة يعنى كبرت وبقيت راجل
- احمد : ايوة يابابا
- أبو احمد : بص ياابنى أنا لما كنت صغير وكنت قدك كده مكنش متوفرلى اللي متوفرلك كنت بشتغل وبدرس في نفس الوقت من وأنا ف اعدادى وأنا بشتغل لاكان عندنا تليفزيون ولاكمبيوتر ولا الحاجات اللي عندكو دلوقتى دي علشان كده أنا مكنتش بشد عليك اوى ولاكنت بسيبلك اوى علشان تحس بالتعب وبقيمة الفلوس وبرده مارضتش أشغلك من صغرك استنيت لحد ماكبرت علشان تستحمل الشغل وكنت دايما لما بكون ف مشكلة مبلجأش غير لربك بصلاتي وبقراءة القرآن فأوعى ياابنى تلجأ لحد غير ربك صليله وادعيه بانه يفك كربك ويحللك مشكلتك وخليك بار بيا وبأمك ومن أمك بالذات رضي الأم ياابنى من رضي الرب وخلى بالك من أمك ومن أخوك أنا مش هعيشلكو العمر كله
- احمد : متقولش كده ربنا يخليك لينا ياحاج إحنا نقدر نعيش من غيرك برده
- أبو احمد : ربنا يكرمك ياابنى ويوفقك
- أم احمد : انت جيت ياحبيبى
- احمد : ايوة جيت ياست الكل إيه الحلاوة دي يابطة
- أم احمد : ههههههههههههه قولي بس الأول عملت إيه ف الشغل
- احمد : طول ماانتى راضية عنى يبقى كل حاجة تمام والحمد لله
- علاء : يااحممممممممممممممممد يااحمممممممممممممممممد
- احمد : ايوة ياابنى نازلك اصبر
- علاء : إيه ياعم احمد ساعة عشان تنزل
- احمد : خلاص ياعم علاء ادينى نزلت اهو إيه عايز إيه
- علاء : ياسمين تعبانة شوية مش واجب برده نروح نتطمن عليها
- احمد : أه طبعا يلا بينا
- احمد : ازيك ياطنط إيه ألف بعد الشر على ياسمين عندها إيه
- طنط : لأ ياابنى متقلقش برد حاد وان شاء الله هتبقى كويسة
- علاء : طب عن ازنك ياطنط هنخش نتطمن عليها
- احمد : إيه ياسمسمة عندك إيه
- ياسمين : إيه ده احمد وعلاء فيكو الخير والله بس تعبتو نفسكو ليه
- علاء : تعبنا نفسنا إيه يابنتى بطلي عبط هو إحنا التلاتة مش اخوات ولا إيه واى حد فينا لو تعبان أو ف محنة مش بنكون جنبيه
- ياسمين : ايوة ياعم علاء انت مين بيقدر يقف قدامك على طول بتحرجنا بذوقك
- احمد : يلا ياسمسمة بقى شدي حيلك وامشى على العلاج علشان الأسبوع الجاى عامل رحلة والجروب كله طالع معانا
- ياسمين : بجد يااحمد رحلة إيه؟
- احمد : لأ مش هقولك مفاجأة
- علاء : تعالى أقولك ف ودنك رحلة لإسكندرية يوم واحد ماتقوليش لحد بقى
- احمد : ههههههههههههههههههههه ده انت مشكلة ياعلاء وربنا
- ولاء : إيه ياست نور ادمنتى النت ولا إيه من يوم ماجه وانتى ليل نهار عليه
- نور : أصله مسلى اوى وفيه مليون حاجة ممكن اعملها من عليه
- ولاء : زى إيه يعنى
- نور : يعنى ياستى عندك الياهو وده طبعا كل الناس عرفاه لكن فيه حاجة اسمها كام فروج تحفة ممكن منه نكون اكتر من 200 واحد ف شات لوحدينا وبنتكلم مايك ومسابقات وحاجات لذيذة اوى وغير كده المنتديات اللي فيه والمواقع وحاجات تانية كتير اوى
- ولاء : انتى هتقوليلى ماانا عارفة عنه كل حاجة
- نور : ده مسلى موووووت بجد وهيسلينى طول فترة الأجازة
- ولاء : طب شغلي حاجة لمصطفى كامل وبطلي رغى
- نور : يادى مصطفى كامل
- ولاء : ايه؟
- نور : لأ مفيش حاضر هشغل
- احمد : ايه ياعلاء زعلت ايمن منك ليه
- علاء : ياعم احمد زعل من صراحتي قاللى ايه رأيك ف حب النت قولتله بصراحة ده وهم مش حب واللي بيحب منه بيوهم نفسه وبيخدعها
- احمد : طب خلاص أنا هروحله بالليل وهفهمه إن ده رأيك على حب النت عموما وانك مش تقصده هو
- علاء : ياعم وانت مصدق انه بيحب ده كل يوم مع واحدة شكل وديسكوهات وبيرة وسهر ياراجل سيبك منه
* والساعة 8 بالليل غير احمد هدومه وخد شاوره ونزل لأيمن *
- احمد : ايه ياايمون عامل ايه
- ايمن : ايه ياابو حميد ازيك
- احمد : أنا بخير طول ماانت بخير ياصاحبى بس أنا زعلان منك
- ايمن : ليه بس يااحمد حصل منى ايه؟
- احمد : بقى ياجدع تزعل من أخوك وصاحبك علاء وعلشان ايه علشان حاجة تافهة زى دي
- ايمن : هو انت شايف إنها تافهة انه يرمى كلام عليا دي حاجة تافهة
- احمد : ياعم ايمن هو مش يقصدك انت هو يقصد الحب من ع النت عموما
- ايمن : خلاص يااحمد حصل خير
- احمد : هو ده الشات اللي انت بتخشه بقى
- ايمن : ايوة هو ده
- احمد : اسمه ايه ده ياايمن
- ايمن : كام فروج
- احمد : لأ بس واضح انه حاجة جامدة ماتعلمنى عليه ياايمون
- ايمن : احمد انت سخن انت بتتكلم بجد ولابتهزر بقى انت هتقعد نت ازاى ده
- احمد : لأ يعنى أنا بقول لما أجربه كده نص ساعة وخلاص لكن مش هقعد ولاهدمنه زيك كده
- ايمن : طب يااحمد بص دي الطريقة علشان تعمل ايميل من عليه تمام ودي علشان تضيف حد عندك ودي علشان تضيف روم وتخشها على طول بدل ماتقعد تبحث عنها وبتكبر الخط وبتغير لونه من هنا ودي بتدوس عليها علشان تشغل سونج أو تتكلم مايك ولو عندك كاميرا بتشغلها من هنا
- احمد : ياه ده على كده برنامج جامد اوى بقى
- ايمن : أه اومال ايه ده حاجة روعة وفيه شوية بنات إنما ايه موزز
- احمد : هههههههههههههههههه صايع انت من يومك بس أنا مش قصدي على البنات أنا قصدي على فكرته نفسها أحلى من الياهو بكتير اوى وفى إمكانيات جامدة موت

- ايمن : استني هطلع افتحلك نص ساعة على حسابي
- احمد : لأ بقى خليهم ساعة وعلى حسابك برده
- ايمن : ماشى ياعم احمد عشنا وشوفنا احمد بيقعد نت ياجدعان بعد ماكان مقاطعه من يوم مااتولد
* وأدمن احمد الانترنت وعرف عالمه وعرف الكام فروج واتعرف على ناس كتييييييييير اوى من جميع أنحاء العالم من مصر ومن المغرب ومن لبنان ومن فرنسا ومن أمريكا ومن دول كتير أوى وقرر احمد انه يشترى كمبيوتر ويدخل النت *
- علاء : ايه ياعم احمد من يوم مادخلت النت يعنى ومش عارفين نتلم عليك
- ياسمين : خلاص ياعلاء شكلنا مبقناش بنوحش احمد نسينا شكله
- احمد : تصدقى كده هزعل منك ياياسمين أنسى مين يابنتى هو فيه حد بينسى اخواته برده
- ياسمين : اخواته أه اخواته اللي مبيسألش فيهم وبقالو أسبوع مفكرش حتى يكلمهم ف التليفون
- احمد : معلش أنا عارف انى مقصر معاكو بس اصل الانترنت ده جننى بجد ده فيه مليون حاجة الواحد مهما قعد مبيزهقش منه
- علاء : طب يااحمد كويس إننا اتطمنا عليك إحنا هنمشى بقى عايز حاجة
- احمد : ياابنى ماانتو قاعدين في ايه
- علاء : لأ اصل ياسمين عندها درس وأنا هروح أنام
- احمد : طب ياصاحبى خلو بالكو من نفسكو ومتزعليش ياسمسمة منى
- ياسمين : وأنا بقدر برده ازعل منك يااحمد بس خلى بالك من النت ده ومن بلاويه
- احمد : متقلقيش أنا عمري ماهحب منه أنا ممكن اصاحب اعرف منه لكن أحب ده مستحيل طبعا
- ولاء : ايه يابنتى ارحمي نفسك 5 ساعات صحتك يابنتى
- نور : سبيني بس والنبي دلوقتى ياولاء
- ولاء : ليه يعنى بتكلمي حد مهم ولا ايه
- نور : والنبي ياولاء اطلعي بس
- نور : ايوة يااحمد هاى ازيك
- احمد : هاى يانور عاملة ايه
- نور : تمام الحمد لله
- نور : وانت؟
- احمد : الحمد لله تمام
- احمد : ايه أخبار الرسم
- نور : الحمد لله لسه مخلصة درس ف جنينة الفيلا عندنا
- احمد : انتو عندكو فيلا؟
- نور : مش فيلا فيلا بس بيت كبير إحنا وعمى
- احمد : أه ربنا يزيدكو
- نور : ميرسى
- نور : بقولك أنا هقفل بقى وهكلمك بكره
- احمد : اوكى خلى بالك من نفسك
- أم احمد : احطلك تاكل ياابنى انت على لحم بطنك من الصبح
- احمد : لأ ياماما أنا هخش أنام شوية
- أم احمد : طب ياابنى اللي يريحك
* احمد سهران طول الليل عمال بيفكر في نور شكله حبها ووقع في شبكة حب الانترنت المزيف ربنا يستر*
- احمد : صباح الخير يانور
- نور : صباح الخير يااحمد
- احمد : عاملة ايه النهاردة
- نور : الحمد لله تمام
- احمد : يارب دايما
- نور : ربنا يخليك يااحمد وانت عامل ايه
- احمد : بخير طول ماانتى بخير
- نور : يارب دايما
- احمد : ايه يانور مالك شكلك متضايقة من حاجة احكي إحنا اخوات
- نور : لأ مفيش يااحمد متشغلش بالك
- احمد : مشغلش بالى ازاى يعنى قولي يابنتى
- نور : اصل في مشاكل مع حبيبي وكده
- احمد : وهنا اكتشف احمد انه بيحبها اندهش وسكت وقالها هو انتى بتحبى يانور؟
- نور : أه واحد اسمه رمزي
- احمد : أه وإيه المشكلة اللي بينكو؟
- نور : اتغير من ناحيتي خالص يااحمد ومبقاش يحبني زى الأول
- احمد : انتى تعرفيه من عندكو ولا من على النت؟
- نور : لأ من على النت
- احمد : أه ماهو الحب من على النت كده مش بيدوم بيبقى حب مزيف وبيبقى في حد من الطرفين هو الضحية
- نور : اوكى يااحمد أنا هقفل بقى سلام
- احمد : سلام خلى بالك من نفسك
* وعدى 3 شهور واحمد كل يوم بيكلمها اكتر مابيكلم أهله بيحبها ف سكوت طول الوقت ده مش هينفع يروح يقولها انه بيحبها وهو عارف إنها بتحب واحد تانى ومأدرش ينساها وف نفس الوقت المشاكل بينها وبين حبيبها زادت اوى وبقو على وشك إنهم يسيبو بعض مقطعش احمد الأمل وعاش على أمل إنها تكون حبيبته وكتب في الفترة دي قصايد كتير اوى ليها وف يوم من الأيام*
- احمد : نور أنا بحبك اوى ومش قادر أعيش من غيرك ومش قادر اخبي اكتر من كده
- نور : انت بتقول ايه يااحمد
- احمد : زى ماانتى سمعتي كده وقبل ماتقولى حاجة لو كلامي ده ضايقك فانا أسف
- نور : احمد من غير ماتزعل منى أنا بعتبرك زى اخويا ورمزي رجعلى واتغير 360 درجة
- احمد : خلاص يانور أنا أسف لو كنت ضايقتك وربنا يوفقك
- نور : احمد أنا مش عايزاك تزعل منى انت عارف أنا بعزك وبحترمك قد ايه انت الوحيد اللي بحكيله اسرارى
- احمد : لأ مش زعلان انتى هتفضلى صديقتي اللي بحترمها وبعزها وبقدرها
- علاء : ايه يااحمد خير عايزنى ف ايه؟
- احمد : من غير لف ودوران أنا حبيت ياعلاء
- علاء : بجد طب دي حاجة كويسة خالص ومين بقى سعيدة الحظ دي اعرفها أنا؟
- احمد : لأ متعرفهاش أنا اللي بحبها من على من على
- علاء : من على ايه يااحمد ماتقول
- احمد : من على النت
- علاء : ايه انت بتتكلم بجد ولا انت اتجننت ولا ايه بالظبط
- احمد : بص ياعلاء اللي بحبها دي غير اى بنت عرفتها قبل كده وسيبك من انى اعرفها من ع النت هي متوافقة معايا ف صفات كتيرة اوى وكل اللي بتمناه في فتاة احلامى فيها وياريت كان الحب من ناحيتي وناحيتها الحب من طرفي أنا بس
- علاء : طب الحمد لله اسمع يااحمد أنا أخوك الكبير وهنصحك نصيحة حب النت ده حب مزيف وعمره مابيدوم صدقني أنا وبعدين انت لسه مشوارك طويل وهتعرف بنات كتير وهتلاقى فيهم اللي بتحلم بيه انساها قبل ماتندم بعد كده
*مسمعش احمد كلام علاء ومأدرش ينساها وفضل يحبها ويكلمها كل يوم وبيتمنى تناديه باسم حبيبي وعدى شهر ونص وف يوم جت نور وقالته*
- نور : احمد أنا هسيب النت فترة كده
- احمد : ايه انتى بتقولي ايه يانور ازاى يعنى انتى عارفة انى مأدرش أعيش يوم من غير مااتطمن عليكى
- نور : احمد أنا بحبك اوى اوى ومن قبل ماتصارحنى بحبك ليا بس مكنتش عايزة اقولك لانى كنت موجوعة من حب النت قبل كده وخدت قرار انى مش عايزة أحب منه تانى لكن حبيتك خليك جنبي يااحمد واوعدنى انك متسبنيش للنهاية
- احمد : انتى بتتكلمى بجد يانور ولا أنا بحلم
- نور : بتكلم بجد ياحبيبى
- احمد : ياه كنت نفسي اسمعها من زمان بصى يانور أنا أوعدك انى لأخر يوم ف عمري هفضل احبك ومش هنساكى ومش هسيبك مهما حصل وان شاء الله مش هكون غير ليكى
- نور : وأنا أوعدك انى هحبك لحد مااموت ومش هنساك وبرغم انك بعيد عنى لكن مش بتفارق خيالي لحظة وأنا بإذن الله مش هكون غير ليك
- أبو احمد : ايه ياابو حميد فرحان ومبسوط يعنى النهاردة
- احمد : ها لأ يابابا عادى اصل فريقنا كسب الكاس ف دوري النادي بتاعنا
- أبو احمد : طب ياابنى ربنا يسعدك دايما
- احمد : علاااااااااااااااااء ياعلااااااااااااااااااء
- علاء : ايه يااحمد
- احمد : انزلي حالا عايزك ضروري
- علاء : طب ثوانى ونازلك
- علاء : ايه ياعم احمد مالك نزلتني على ملا وشى كده ليه
- احمد : طلعت بتحبنى يالول طلعت بتحبنى
- علاء : هي مين دي
- احمد : ركز اومال ياعلاء نور
- علاء : برده ياصاحبى انت لسه منسيتش الموضوع ده انت حر ياصاحبى بس أنا حذرتك وانت حر المهم هي كام سنة؟
- احمد : 14 سنة
- علاء : كمان صغيرة بقى بذمتك فيه واحدة عندها 14 سنة تعرف حاجة اسمها حب ده سن مراهقة ياابنى انت حر أنا عملت اللي عليا وحذرتك
- احمد : صدقني ياعلاء نور دي غير اى بنت وبرغم إنها صغيرة لكن عقلها كبير اوى وتفكيرها تفكير بنت 20 سنة وصدقني عمرها ماهتسيبنى ف يوم من الأيام
- علاء : ربنا يوفقك ياصاحبى
- احمد : بس عايزك يالول ماتقولش لحد يبقى سر بيني وبينك لحد مااخد شهادة الثانوية وبعد كده هعرف اهلى واصحابى وان شاء الله بعد مااتخرج هروح اخطبها
- علاء : ياه ده انت متفائل اوى بص يااحمد حب النت مبيدومش غير كام شهر بالكتير وهتقول علاء قاللى
- احمد : هتشوف ياصاحبى نور غير اى حد
*وعدى على احمد ونور 3 شهور بيحبو بعض بجنون قربو من بعض اوى عرفو صفات بعض وطلعو متوافقين اوى كل يوم يكتبلها أحلى القصايد الرومانسية ويبعتهلها وهى ترسمله أحلى الرسومات وتبعتهاله كل يوم بيوعدو بعض إنهم مش هيسيبو بعضهم للنهاية نساها احمد اللي شافته من رمزي وداوى جروحها وشالها ف عينه وحافظ عليها واخلصلها اوى اوى اوى وعمره مااتخيل إن ييجى يوم والملاك دي تكون واحدة كل كلامها ليه وكل وعودها ليه وكل حلفانها ليه كدب وكل الوقت اللي عاشته معاه كانت بتخدعه وإنها واحدة كل هدفها تضييع الوقت واللعب بمشاعر الناس والضحك عليهم وده اللي حصل بعد حب وغرام ووعود سابته واتخلت عنه بعد ماداوى جروحها والله اعلم إذا كانت حكاية رمزي دي حقيقة ولا كدب ماللى تكدب مرة ممكن تكدب ميت مرة ندم احمد انه غير مبادئه وحب من على النت وانه مسمعش كلام علاء صاحبه اللي نصحه وقاله بلاش حب من ع النت لأحسن تندم واهو بيندم دلوقتى لانه مسمعش كلام صاحبه إنها صغيرة وف سن مراهقة وإنها متعرفش الحب وانه يسيب الحب لحد مايخلص امتحانات ويتخرج ولكن مشى احمد ورا قلبه لحد ماقلبه غرقه ف بحر عذاب لانه حب الانسانة دي بجد وقرر انه يودع اصحابه ويودعها وقرر انه يبعد عن النت لحد مايخلص امتحانات وبرغم انه ليه اصحاب من على النت بيحبهم جدا وميأدرش يعيش من غير مايطمن عليهم ولكن استحمل وجه على نفسه ومشى علشان تحس بقيمته وتحس بغلطتها مش علشان ترجعله ولكن علشان يعرفها إنها ماصانتش إنسان مش هتلاقى زيه تانى في إخلاصه وحبه وعشقه وعدى اهو شهر ومع الوقت نسيها احمد ورجع عاش تانى حياته ورجع لياسمين وعلاء ولاصحابه وبقى يزور أهله زى زمان وقرب من ربنا وانتظم ف صلاته ونسى كل اللي كان وقرر انه مش هيرجع ليها تانى مهما كان وهينسى الحب المزيف ده ومش هيفكر ف الحب من على الانترنت إطلاقا وان دي غلطة ومش هتتكرر تانى*

مضمون الفيلم :.
اللي الفيلم عايز يقوله لينا والاستفادة اللي طلعنا بيها إننا كلنا نؤمن بان حب النت ده ميتسماش غير باسم الحب المزيف لانه فعلا 70% من اللي بيحبو من ع النت علاقتهم مبتكملش وبتفشل وبيكون الضحية احد من الطرفين وكتير اوى سمعنا عن سيدات خانو أزواجهم بعلاقات مع شباب بتبدأ بالتعرف من ع الشات وواحدة واحدة يوصل لرقم التليفون لحد ماياخد منها ميعاد علشان يقابلها فالنت على قد مافيه مزايا وفيه ناس كويسين وأخلاقهم كويسة ولكن صوابعك مش زى بعضها في برده الكدابين والغشاشين واللي بيتمنى لصاحبه الشر دايما واللي بينم على صاحبه واللي بيقول بياناته غلط وده بيبقى اكتر ف البنات والشباب برده بس في البنات بشكل كبير وأخيرا نصيحة منى لاى شخص بيدخل الانترنت على أساس انه يتعرف على بنت ويحبها بقوله الحب مش هيكمل لمليون سبب عدم المصداقية والكدب والنفاق والخداع وكل الأسباب دي .

نايــــــــــــــــــــــــــــ نايس نايس نايس نايس ــــــــــــــــــــــــــــس
بجد تسلم ايدك يا ميدو

thanks ya 2amr