بحبك لأخر يوم ف عمرى

الشعر ده ياجماعة مش حاسه ده انا كنت حاسه ف وقت من الاوقات لكن دلوقتى اى حاجة رومانسية هحطها هنا اعرفو انى مش حاسسها وانا هبقى اوضح اذا كان اللى كاتبه لحكاية شخص صاحب او قريب او صديقة او اذا كان اللى كاتبه حاسة او اذا كان من واقع الخيال لا حاسه ولا لحد بس هو الفترة دى يعنى اى رومانسى مش حاسه نهائى

بحبك لأخر يوم ف عمرى بحبك لأخر نقطة ف دمى
بحبك لأخر نفس ف صدرى بحبك بقلبى وعقلى وروحى
بحب عينيكى وبعشق بسمتك بحب هواكى وبموت ف ضحكتك
بحب نسيمك وبدوب ف رقتك ولاغيرك انتى يداوى جروحى
بحبك يااجمل نساء الدنيا ومأدرش اعيش بعدك ولاثانية
وحياتى بدون حبك دى فانية وقلبى بدون حبك ده خالى
العمر ف بعدك مش محسوب وهواكى ده قدرى وده المكتوب
فى عينيكى سهرت ليالى بدوب سرحان ف جمالها اللى مثالى
من يوم ماعينك جت ف عينيا اتمنيت القدر يكتبك ليا
ويعوض قلبى سهر لياليا واللى شوفته من الدنيا ديا
بكون معاكى بنسى دنيتى ودايما وياكى تطلع ضحكتى
وجنبك رجعت تانى فرحتى يااحلى حكاية ف قصتى
انتى اللى عشت انا بحلم بيها انتى اللى ياما دورت عليها
انتى اللى عشت انا مستنيها انتى اللى عاشقها ومغرم بيها
اوعدينى ياعمرى يانور عينى لاانساكى يوم ولايوم تنسينى
ولايوم اجرحك ولاتجرحينى وتبقى ايدى دايما ف ايديكى
ولو زعلتك اوعى تسبينى راضى تلومينى راضى تعاتبينى
لكن تسبينى هتعذبينى وهقاسى الليل انا من بعديكى
معقول ياحبيبتى يااغلى الناس معقول احساسى ده الاحساس
بان معاكى مش عايز الناس ولاعايز اى حاجة من الدنيا
معقول بحبك للدرجادى وبنسى الدنيادى وانتى قصادى
وغرامى ليكى غرام مش عادى يااجمل واحدة ف نساء الدنيا

انا قلت انوع شوية مش كله نكد وبتاع شوية كده وشوية كده ويارب اشعارى تعجبكم مع انى مبشوفش غير دودى ف المنتدى بس ان شاء الله الناس تخلص امتحانات وترجع تانى

تسلم ايدك